2019-жылдын 11-апрелинде, Кыргыз Республикасынын Жогорку сотунда жергиликтүү сотторго дайындалган судьялар ант беришти. Иш чарага Жогорку соттун төрайымы жана судьялар катышышты.
Кыргыз Республикасынын Президентинин 2019-жылдын 9-апрелиндеги № 52 жана № 53 Жарлыктары менен судьянын ыйгарым укуктарын жүргүзүү үчүн Чүй облустук сотуна Абдырасулов Нурдин Азизбекович, Жамангулов Жыргалбек Жамангулович, Жалал-Абад облустук сотуна Айтмырзаев Нурлан Жээналыевич, Калыбеков Улукбек Жолдошович дайындалды. Ал эми Ош облустук сотуна Абдугапаров Алмаз Абибулаевич, Дүйшеев Эркин Турдумаматович, Жобонов Койчубек Касымович, Жунусов Шарипбек Топчубаевич, Закиров Самарбек Жанышевич, Мадмарова Эльнара Абдувалиевна, ошондой эле Ысык-Көл облустук сотуна Аманов Канат Аманович жана Пазылов Эркин Шайлообекович жиберилди.
Кыргыз Республикасынын Жогорку сотунун төрайымы жаңы дайындалган судьяларды куттуктап, берген антка бек турууга чакырды.
