Бүгүн, 2021-жылдын 24-сентябрында, Бишкекте  ШКУга мүчө мамлекеттердин Жогорку сотторунун төрагаларынын он алтынчы Кеңешмеси өз ишин баштайт.

Кыргыз Республикасынын төрагалыгы астында видеоконференц байланыш аркылуу өткөн Кеңешмеде тараптар төмөндөгү маселелерди талкуулашат:

— бейтарап жана арбитраждык соттордун чечимдерин аткаруу практикасы;

— ШКУга мүчө-мамлекеттердин жазык мыйзамдарын гумандаштыруу. Оң жана терс жактары;

— сотторду санариптештирүү жана сот адилеттигин ишке ашыруу процессинде IT- технологияларын колдонуу;

— ювеналдык юстиция жаатында ШКУга мүчө мамлекеттердин тажрыйбасы. Жашы жетпеген балдардын катышуусу менен келип чыккан талаш-тартыштарды кароо боюнча сотторду түзүү практикасы;

—        массалык маалымат каражаттары жана сот системасы. Сот адилеттигин жүзөгө ашырууда  массалык маалымат каражаттарынын таасири;

—        мамлекеттик жана муниципалдык кызматтын кызыкчылыгына каршы коррупциялык жана башка кылмыштар жөнүндөгү иштер боюнча сот практикасы жана башка маселелер.

Кеңешменин жыйынтыгы боюнча ШКУга мүчө-мамлекеттердин Жогорку сотторунун төрагаларынын биргелешкен билдирүүсү кабыл алынат.

Белгилей кетсек, ШКУнун хартиясында коюлган милдеттерди жүзөгө ашыруу үчүн 2006-жылы ШКУга мүчө-мамлекеттеринин Жогорку сотторунун төрагаларынын өз ара аракеттенүү институтун түзүү маанилүү кадам болгон.

ШКУга мүчө-мамлекеттеринин Жогорку сотторунун төрагаларынын кеңешмеси ШКУнун Хартиясы, ШКУга мүчө-мамлекеттеринин Жогорку сотторунун төрагаларынын иштөө регламенти жана ШКУнун жол-жобо эрежелери менен жөнгө салынат. 2006-жылдан тартып Жогорку сотторунун төрагаларынын 15 жыйналышы өткөрүлүп, бүгүн он алтынчы кеңешме Бишкекте  өткөрүлүп жатат.

Маалымдама:

2006 — жылдан тартып 15 жыйын өткөрүлдү:

— 22 сентябрь 2006 — жыл, Шанхай;

— 12-апрель 2007-жыл, Москва жана Санкт-Петербург;

— 20-Май 2008-жыл, Астана;

— 9 сентябрь 2009-жыл, Чолпон-Ата;

— 28-май, Душанбе;

— 18-19-октябрь 2011-жыл, Ташкент;

— 25-апрель 2012-жыл, Пекин;

— 19-20-февраль 2013-жыл, Москва;

— 4-5-сентябрь 2014-ж., Астана;

— 3-6 сентябрь 2015-жыл, Бишкек;

— 22-сентябрь 2016-жыл, Душанбе;

— 25-27 октябрь 2017-жыл, Ташкент;

— 2018- жыл, 25-27-май Пекин;

— 2019-жыл 17-19 -июнь, Сочи;

— 2020-жылдын 30-октябрында Казакстан Республикасынын төрагалыгы менен видеоконференция форматында;

— 2021-жылдын 24-сентябрында Кыргыз Республикасынын төрагалыгы менен видеоконференция форматында өтөт.