Ден соолугунун мүмкүнчүлүгү чектелген балдардын күнүнө карата 2019-жылдын 3-декабрында Талас облусунун жергиликтүү соттору мүмкүнчүлүгү чектелген балдарды колдоо жана жардам көрсөтүү максатында Талас райондук билим берүүчү атайын жатак-мектебине барышып, балдар жана тарбиялоочулар менен жолугушуу өткөрүштү. Жолугушууда аталган жатак-мектептин, мүмкүнчүлүгү чектелген балдардын жашоо жана такмактануу шарттары, ошондой эле үйрөтүү-тарбиялоо процесстери менен таанышып чыгышты.

Талас облусунун жергиликтүү сотторунун атынан келген судьялар — Талас облусунун төрагасы Мирлан Боромбаев жана судьялар Айнура Султаналиева менен Жылдыз Жумагулова аталган мектептин балдарына чогултулган каражаттын эсебинен  таттууларды таратышып, азык-түлүк, окуу куралдарын жана акчалай жардамын көрсөтүштү.

Талас райондук билим берүүчү атайын жатак-мектебинин жетекчилиги жана тарбиячылары балдарга карата көрсөтүлгөн колдоо үчүн терең ыраазычылыгын билдиришти.

Талас облустук сотунун

Пресс кызматы