Кыргыз Республикасынын Жогорку сотуна караштуу Сот адилеттигинин жогорку мектебинин кызматкерлери Кыргыз улуттук “Манас” театрынын директору, манасчы, Ч.Айтматов атындагы мамлекеттик жаштар сыйлыгынын ээси Талантбеков Нурбек менен жолугушуу өткөрүштү. Иш-чара 2025-жылдын 12-августуна Жогорку соттун Төрагасынын буйругу менен бекитилген «Улуттук дем – дүйнөлүк бийиктик» уңугужолу иш планын аткаруу максатынды уюштурулду.
Иш-чаранын жүрүшүндө манасчы Улуу “Манас” эпосунан үзүндү аткарып, аны менен бирге кыргыз элинин улуттук өзгөчөлүгүн калыптандырууда, руханий баалуулуктарын бекемдөөдө жана маданий мурастарын сактоодо эпостун ролу жөнүндө баяндап берди.Иш-чарада кызматкерлер манасчылык өнөрдүн өзгөчөлүктөрү, анын жаштарды тарбиялоодогу мааниси жана тарыхый эстутумду берүү менен таанышышты.
Иш-чара Президенттин “Улуттук дем – дүйнөлүк бийиктик ” доктринасы жөнүндөгү Жарлыгын аткаруу максатында өткөрүлүп, улуттук баалуулуктарды жайылтууга жана коомдун руханий-маданий өнүгүүсүн күчөтүүгө багытталган.
