2020-жылдын 23-апрелинде Баткен областтык сотунун судьялары Нургазы Алимкулов жана Мадамин Азимжанов Баткен областтык мамлекеттик телерадиокомпаниясынын түз эфирине катышышты.
Уюштурулган түз эфир жарандардын укуктук билимин жакшыртуу жана жаш өспүрүмдөр арасында кылмыштуулукту азайтуу багытындагы иш чаралардын бири катары өткөрүлдү.
Мындан сырткары судьялар түз эфирдин жүрүшүндө көрүүчүлөрдөн түшкөн суроолорго жооп беришти.
Телекөрүүчүлөргө судьялар өзгөчө кырдаалга байланыштуу ачык сот отурумдарын өткөрүү тартиби, коопсуздук эрежелери жана кимдер катыша алары жөнүндө түшүндүрмөлөр берилип, үйдөн чыкпастан телефон аркылуу кызыккан маалыматты алып, өтүнүчтөрүн жана башка кайрылууларын электрондук почта аркылуу жөнөтүү сунушталды.
