Орозо айы – бул ыймандын, боорукерликтин жана кайрымдуулуктун айы. Бул ыйык айда Жумгал райондук сотунун эмгек жамааты муктаж үй-бүлөлөргө жардам көрсөтүү демилгесин көтөрүп, колдоо көрсөтүштү.

Соттун кызматкерлери Байзак жана Кызыл-Жылдыз айылдарында жашаган аз камсыз жана ден соолугунан мүмкүнчүлүгү чектелген бир нече үй-бүлөгө азык-түлүк топтомдорун тапшырышты. Атап айтканда, А. Акматованын, Р. Солобаевдин жана Б. Мусакожоевдин үй-бүлөлөрү бул жардамды алышты.

Мындай кайрымдуулук иш-чаралары коомчулуктун биримдигин бекемдөөгө, жардамга муктаж жарандарга колдоо көрсөтүүгө жана социалдык жоопкерчиликти арттырууга багытталган. Орозо айында жасалган ар бир жакшылык – чоң сооп!

Бул сыяктуу демилгелер мындан ары да  аталган соттун кызматкерлери тарабынан улантылып турат.