Бишкекте жерлердин амнистиясы жыл соңуна чейин аягына чыгарын вице-мэр Азамат Кадыров билдирген. Ал эми Министрлер кабинетинин төрагасы Адылбек Касымалиев мыйзамдаштыруу иштери өлкө боюнча да аягына чыгышы керектигин белгиледи.

2022-жылдын март айында Жогорку Кеңеш «Жер мамилелерин жөнгө салуу жөнүндө» мыйзамын кабыл алган. Ага ылайык, жалпы 29 872 гектар жер трансформацияланат. Министрлер кабинети «Жер амнистиясынын тартиби жөнүндө» жобону бекиткен.

2024-жылы жер амнистиясынын алкагында өлкө боюнча 140 миңден ашуун арыз түшкөнү, алардын 50 пайызы канааттандырылганы маалым болгон. Учурда бул иш дагы да аягына чыкпай келет. Буга эмне себеп? Кандай маселелерден улам эл толук үйүнө документ ала албай жатканы тууралуу Жеке турак жай курулушу жана шаар куруу департаментинин директорун жана Чүй облустук сотунун админстративдик иштер боюнча өкүлдөрүн чакырган элек. Соболдорубузга меймандардан жооп алдык.