Кыргыз Республикасынын Жогорку сотунун төрагасы Медербек Сатыев Баткен облусуна болгон иш сапарынын алкагында Сүлүктү шаардык сотунун ишмердүүлүгү менен таанышты. Жыйынында Медербек Сатыев соттук иштердин сапатын жогорулатууга жана соттук чечимдердин аткарылышын көзөмөлдөөгө өзгөчө көңүл бурууну сот жамаатынан талап кылды.

Сүлүктү шаардык сотунун төрагасы Урматбек Сыдыков адилеттикти ишке ашыруудагы сапат жана соттун ишмердүүлүгүндө келип чыккан көйгөйлөр, анын ичинде кызматтык бөлмөлөрдүн эмерек менен жетишсиз камсыздалышы тууралуу кеңири маалымат берди.

Мындан тышкары, Жогорку соттун төрагасы аймактык Сот департаментинин башчысы Кубатбек Маликовго сот аткаруучуларын жана приставдарын төрт мезгилге ылайыктуу кызматтык кийимдер менен толук камсыздоону тапшырды.