Жалал-Абад облусуна болгон иш сапарынын жүрүшүндө Жогорку соттун төрагасы Медербек Сатыев Ала-Бука райондук сотунун жаңы административдик имаратынын курулушунун жүрүшү менен таанышты. Сот департаментинин Жалал-Абад облустук башкармалыгынын башчысы Алмаз Токтосунов курулуш иштери график боюнча жүрүп жатканын жана курулуштун баасы 43 миллион сомдон жогору  бааланганын  экенин билдирди.

Андан соң Жогорку сот органынын жетекчилиги Ала-Бука райондук сотуна барып, судьялар жана сот аппаратынын кызматкерлери менен жолугушуу өткөрүп,  эмгек шарттары менен таанышты. Сапардын жүрүшүндө соттун ишин уюштуруудагы айрым кемчиликтер аныкталып,  биринчи инстанциядагы соттун төрагасы Камбарбек Бейшеевге аныкталган кемчиликтерди четтетүү тапшырылды.