1-2-апрелде Кыргыз Республикасынын Жогорку сотуна караштуу Сот адилеттиги жогорку мектебинде “Жарандык процессте тараптардын атаандаштык принциби” темасында трениг өтүп жатат.

Лекторлор:

Горшковская Ирина Вадимовна – Чүй облустук сотунун төрагасынын м.а;

Давлетбаева Мадина Акремовна – Кыргыз Республикасынын Жогорку сотуна караштуу Сот адилеттигинин жогорку мектебинин окутуучусу;

Абдырахман Руслан – Кыргыз Республикасынын Башкы прокуратурасынын Жазык, жарандык сот өндүрүшү жана сот чечимдеринин аткарылышын көзөмөлдөө башкы башкармалыгынын улук прокурору.

Тренигдин максаты угуучуларды атаандаштык процесс шартында соттук отурумдарга катышуу эрежелерине окутуу, соттук териштирүүгө судьялардын, прокурорлордун жана адвокаттардын катышуусу жана процесстик жүрүм-турум өзгөчөлүктөрүн изилдөө жана талдоо, иш боюнча тараптардын тең укуктуулугун камсыз кылуу үчүн зарыл болгон шарттарды түзүү үчүн аларга иштин жагдайларын толук жана объективдүү изилдөө, ал боюнча мыйзамдуу, негиздүү жана адилеттүү чечим чыгаруу жөндөмдөрүн үйрөтүү болуп саналат.

Биринчи күнү катышуучулар атаандаштык принцибинин негизинде сот адилеттигин ишке ашырууну Кыргызстанда бул принципти жүзөгө ашыруунун көйгөйлөрүн, атаандаштыкты камсыз кылууда соттун ролун, тараптардын далилдерин жана өтүнүчтөрүн берүүнү, процесске прокурордун катышуусун, атаандаштыктын элементи катары адвокаттын ролун, ошондой эле апелляциялык жана кассациялык даттанууларды даярдоонун өзгөчөлүктөрүн талкуулашат.

Тренигдин экинчи күнү практикалык иш-чараларга, талкууларга жана сот процесстерин талкуулоого арналып, соңунда катышуучуларга сертификаттар тапшырылат.