Ош областынын райондор аралык сотунун төрагасы Бакыт Сарыбаев Ош шаардык билим берүү бөлүмү менен биргеликте 2018-жылдын 13-январында Ош шаарынын №42 Керме-Тоо атындагы орто мектебинин, 2018-жылдын 20-январында №6 Макаренко атындагы орто мектебинин, ал эми 27-январында №8 М.Горький атындагы орто мектебинин мугалимдери менен жолугушуу өткөрдү.

Учурда тайпалык насыя алуу мугалимдердин арасында көп колдонулгандыктан атайын ушул багыт тандалып алынып, райондор аралык соттун торагасы Бакыт Сарыбаев насыя боюнча тараптардын укуктары, аларды аткаруу боюнча милдеттери, келишим түзүүдөгү финансылык сабаттулук, өткөн жылдагы насыя боюнча райондор аралык сотуна келип түшкөн доо арыздардын статистикаларын, аларды чечүүдө тараптардын теӊ укуктуулугу жөнүндө айтып,  насыя туралуу талаш-тартыштар боюнча сотко кайрылуу тартиптерине  кененирээк токтолуп өттү.

Иш-чара 30-январда №4 С.Киров атындагы орто мектебинде, 3-февраль күнү ОшМУ жогорку окуу жайынын окутуучулары менен улантылмакчы.