Бүгүн, 2024-жылдын 30-январында, Бишкек шаарынын Административдик сотунда, аталган соттун төрайымы Чолпон Досмамбетова USAIDдин «Укук булагы» долбоорунун жетекчиси Фред Хьюстон менен жолугушту.

Жолугушууга Бишкек шаарынын Административдик сотунун судьялары: Азис Эшалиев, Акылбек Досалиев жана Гульзат Дыйканбаева, ошондой эле долбоордун өкүлдөрү: Алмаз Касымбеков, Назира Раимжанова жана Динара Молдошева катышышты.

Тараптар талаш-тартыштарды сотко чейин чечүү тартибин өнүктүрүүгө жана жарандардын укуктук сабаттуулугун жогорулатууга багытталган өз ара аракеттенүүнүн мүмкүн болгон жолдорун талкуулашты.

Жолугушуунун жыйынтыгы боюнча тараптар сот адилеттигине жетүүнү камсыз кылууга жана талаш-тартыштарды соттон тышкары жөнгө салууну өнүктүрүүгө багытталган иш-чараларды өткөрүү зарылдыгы жөнүндө макулдашууга жетишишти.