Баткен облусундагы сот түзүмүнүн  кызматкерлер ортосунда Кызыл-Кыя шаарында 2018-жылдын 2-февралында кичи футбол өткөрүлдү.

Кызыл-Кыя шаарында белгиленген бул спорттук мелдешке жалпысынан 8 команда ат салышты. Биринчи орунга Баткен райондук сотунун курамынан уюшулган команда ээ болду. Экинчи орунду Баткен облусунун райондор аралык сотунун курамынан куралган команда ээледи, үчүнчүнү Баткен облустук сотунун командасы ээледи. Жеңүүчүлөр акчалай сыйлык жана дипломдор менен сыйланышты.

Баткен облусундагы сот түзүмүнүн ортосундагы ынтымак, достук мамиленин мындан да жакшырышына шарт түзгөн ушундай спорттук ишчаралар ар эки айда өткөрүлүп турат.  Кичи футболду өткөрүп туруу ден-соолукту чыңдоо, жаштар арасында спортко болгон кызыгууларын арттыруу экендигин белгилеген Баткен облустук сотунун төрагасы Сайдибаказ Мусаев уюштуруучуларга ыраазычылык билдирди.

Спорттук иш чараны Кызыл-Кыя шаардык соту уюштурган. Спорттук мелдештин ачылышына шаардын мэри жана мекеме ишканалардын жетекчилери катышып, жылуу каалоолорун билдиришти.

Кичи футболго Баткен облустук сотунун, райондор аралык, сот департаменти, райондук жана шаардык сотторунун судьялары жана аппарат кызматкерлеринин катышуусунда өткөрүлдү.

                                                 Баткен облустук сотунун басма сөз катчысы

                                                                                                    Аскар Баймуратов