Мамлекетибиздин айрым областарында киргизилген өзгөчө абалга байланыштуу, илдетти  алдын алуу үчүн жана жайылышына бөгөт коюу максатында Талас облустук сотунун имараты  дезинфекцияланды.

Мындан тышкары, сот кызматкерлерин жана сот отурумунун катышуучуларынын коопсуздугун сактоо максатында Кыргыз Республикасынын Жогорку сотуна караштуу Сот департаментинин Талас облустук башкармалыгы тарабынан жеке өздүк коргоо медициналык (беткап) жана антисептикалык каражаттары менен камсыздоо иш чаралары жүргүзүлүүдө.

Ошондой эле, Сот департаменти менен Талас областынын Санитардык-эпидемиологиялык мекемеси ортосунда түзүлгөн келишимдин негизинде, Талас областынын жергиликтүү сотторунун имараттарында санитардык-эпидемиологиялык дезинфекциялоо иштери экинчи ирет жүргүзүлдү.