2025-жылдын 26-августунда мурдагы судья Мааткеримов Ниязбек Болотбекович мезгилсиз дүйнөдө салды.
Мааткеримов Ниязбек Болотбекович 1954-жылдын 7-ноябрында Нарын облусунун Кочкор районуна караштуу Ак-Чий айылында төрөлгөн.
1976–1981-жылдары Кыргыз мамлекеттик университетинин юридикалык факультетин аяктап, Ош облусунун аткаруу комитетинин Юстиция бөлүмүнө ишке жөнөтүлгөн.
1982-жылы Кара-Суу районунун элдик судьясы болуп шайланган.
1987-жылы ыйгарым укуктарынын мөөнөтү аяктагандыгына байланыштуу сот органдары боюнча улук консультант болуп кабыл алынып, 1989-жылы Ош облусунун аткаруу комитетинин Юстиция башкармалыгынын жетекчисинин орун басары болуп дайындалган.
1990-жылы Токтогул райондук элдик сотунун төрагасы болуп шайланган.
1996-жылы Нарын облусунун сотунун төрагасынын орун басары болуп дайындалган.
2000-жылы Чүй облусунун сотунун судьясы болуп дайындалып, 2006–2015-жылдары Чүй облусунун Москва райондук сотунун судьясы болуп эмгектенген.
Мааткеримов Ниязбек Болотбековичтин адилеттүүлүктү камсыз кылуудагы эмгектери жогору бааланып, анын ичинде Кыргыз Республикасынын сот тутумунун ведомстволук сыйлыгы – «Кыргыз Республикасынын сот тутумунун отличниги» I даражадагы медалы менен сыйланган.
Кыргыз Республикасынын сот тутуму жана сот тутумунун ардагерлери мурдагы судья Мааткеримов Ниязбек Болотбековичтин мезгилсиз дүйнөдөн кайткандыгына байланыштуу анын үй-бүлөсүнө, туугандарына жана жакындарына терең кайгыруу менен көңүл айтат.
Туугандарынын жана жакындарынын орду толгус кайгысын тең бөлүшөбүз.
