Бүгүн, 2025-жылдын 12-августунда, Кыргыз Республикасынын Жогорку сотунун төрагасы Медербек Сатыевдин катышуусунда, жергиликтүү сотторго биринчи жолу дайындалган судьялар ант беришти.
Президенттин биринчи жолу беш жылдык мөөнөткө Кыргыз Республикасынын жергиликтүү сотторунун судьяларын дайындоо тууралуу жарлыгына ылайык, судьянын ыйгарым укуктарын жүргүзүү үчүн төмөнкү жергиликтүү сотторго дайындалышты:
— Чүй облусу:
Сокулук райондук соту
Сатылганов Бакытбек Ыдырысович;
Ысык-Ата райондук соту
Жетигенов Айбек Балкыбекович.
Кыргыз Республикасынын Жогорку сотунун төрагасы Медербек Сатыев дайындалган судьяларды куттуктап, берген антка бек турууга чакырды.
Белгилей кетсек, Кыргыз Республикасынын «Кыргыз Республикасынын судьяларынын статусу жөнүндө» конституциялык мыйзамына ылайык, Кыргыз Республикасында шайланган же дайындалган судьялардын ыйгарым укуктары алар тарабынан ант берүү күнүнөн баштап күчүнө кирет.
