Бишкек шаарынын Биринчи Май райондук сотунун судьясы Ильяс Керимкулов Анталияда (Түркия) өткөн эл аралык марафонго катышты.
Ильяс Керимкулов 21,23 км аралыкты бир саат 51 мүнөттө чуркап, ийгиликтүү аяктады жана муну менен өзүнүн жеке рекордун жаңылады.
Анталия марафонуна жалпысынан 10 миңге жакын жеңил атлетика күйөрмандары катышса, Кыргыз Республикасынан 30га жакын жөө күлүктөр катышып, алардын арасында ар кандай жарыштардын байге ээлери дагы болду.
Белгилеп кетсек, Анталия Марафону (Runtalya) – жыл сайын март күндөрүнүн биринде Түркиянын Анталия шаарында өтүүчү жолдо чуркоо боюнча эл аралык мелдеш. IAAF Road Race Label Events алтын статусуна ээ болгон Стамбул марафонунан кийинки Түркиядагы эң маанилүү экинчи марафон.
