Алай райондук сотунда Кыргыз Республикасынын эл жазуучусу Чыңгыз Айтматовдун өмүр жолу жана чыгармачылыгына арналган адабий иш-чара өткөрүлдү.

Иш-чарага райондук соттун төрайымы Майрам Оморова, судья Арстан Бектурсунов жана сот аппаратынын кызматкерлери катышышты. Анын жүрүшүндө соттун улук катчысы Алиса Мурзабек кызы улуу жазуучунун өмүр жолу жана чыгармалары тууралуу маалымат берип, «Ак кеме» повестинен үзүндүнү көркөм окуп берди.

Иш-чара Кыргыз Республикасынын Жогорку сотунун Төрагасынын 2025-жылдын 12-августундагы №202 буйругу менен бекитилген «Улуттук дем – дүйнөлүк бийиктик» уңгужолун сот тутумунда ишке ашыруу боюнча 2025–2028-жылдарга каралган иш-чаралар планынын алкагында уюштурулуп, улуттук руханий баалуулуктарды даңазалоого жана адабий мурастарды кеңири жайылтууга багытталды.