Иш-чаранын негизги максаты – Кыргыз Республикасынын Президентинин тапшырмасына ылайык, 2026-жылдын 11-майынан 26-майына чейин калк менен өткөрүлгөн жолугушууларда көтөрүлгөн көйгөйлүү маселелерди мындан ары болтурбоо, алардын алдын алуу жана мамлекеттик органдардын ортосундагы өз ара кызматташтыкты чыңдоо болду.
Жолугушуунун жүрүшүндө жарандардын социалдык камсыздоо, эмгек мамилелери жана башка укуктук маселелер боюнча кайрылууларына өз убагында жана мыйзам чегинде чара көрүү, соттук талаш-тартыштардын алдын алуу, ошондой эле мамлекеттик органдардын өз ара маалымат алмашуусун жана кызматташуусун өркүндөтүү маселелери талкууланды.
Иш-чарага Ысык-Көл облустук сотунун жарандык жана экономикалык иштер боюнча төраганын орун басары Бермет Мырзаканова, судьялар Сымбат Кокшенова, Алайбек Кожомкулов, Нургазы Дыйканов, ошондой эле жергиликтүү Эмгек, социалдык камсыздоо жана миграция башкармалыктарынын өкүлдөрү катышышты.
Жолугушуунун жыйынтыгында катышуучулар жарандардын укуктарын жана мыйзамдуу кызыкчылыктарын натыйжалуу коргоо, көйгөйлүү маселелердин алдын алуу жана мамлекеттик органдардын ортосундагы конструктивдүү кызматташтыкты мындан ары да бекемдөө багытында биргелешип иш алып баруу маанилүү экендигин белгилешти.
