Бүгүн, 3-мартта, Нарын облустук сотунда Кыргыз Республикасынын сот тутумунун кызматкерлеринин күнүнө арналган салтанаттуу иш-чара болуп өттү.

Нарын облустук сотунун төрагасы Куралбек Абдыкадыров судьяларды жана сот аппаратынын кызматкерлерин кесиптик майрамы менен куттуктап, өз сөзүндө сот адилеттигин жүзөгө ашырууда алардын жоопкерчилиги өтө чоң экендигин белгиледи.

Ошондой эле, төрага жетекчилик тарабынан жергиликтүү соттордун материалдык-техникалык базасын жакшыртууга көңүл бурулуп, соттук жыйындар заманбап технологиялар менен камсыздалып, өткөрүлүп жаткандыгын айтты.

Иш-чаранын жүрүшүндө Нарын облустук сотунун бир катар кызматкерлери сот тутумунун өнүгүүсүнө кошкон салымдары жана кызматтык милдеттерин үлгүлүү аткаргандыгы үчүн Нарын облустук сотунун Ардак грамоталары  менен сыйланышты.

Нарын облустук сотунун басма сөз катчысы Гульзада Турдалиева