Бүгүн, 2024-жылдын 12-январында, Кыргыз Республикасынын Жогорку сотунун төрагасы Замирбек Базарбеков Казакстан Республикасынын Сот администрациясынын жетекчиси жана Соттук башкаруу боюнча эл аралык ассоциациясынын вице-президенти Наил Ахметзакиров менен жолугушту.
Жолугушуунун максаты Казакстан Республикасынын Сот администрациясы менен Кыргыз Республикасынын Жогорку сотуна караштуу Сот департаментинин ортосундагы кызматташтыкты бекемдөө жөнүндө бир катар маселелерди талкуулоо, ошондой эле Казакстан Республикасынын Сот администрациясы мүчө болгон Соттук башкаруу эл аралык ассоциациясына кирүү мүмкүндүгү болду.
Жолугушууга Кыргыз Республикасынын Жогорку сотунун төрагасынын орун басарлары Нурлан Мусаев, Шералы Камчыбеков жана Нургуль Бакирова, ошондой эле Жогорку соттун Аппарат жетекчиси Эркинбек Мамыров, Сот департаментинин директору Урмат Кожомбердиев катышышты.
