2026-жылдын 24-июнунда Кыргыз Республикасынын Жогорку Кеңешинин жыйынында Кыргыз Республикасынын Президенти тарабынан Кыргыз Республикасынын Жогорку сотунун судьясынын кызмат ордуна сунушталган Калыбаев Алмаз Жээнкуловичтин талапкерлиги каралды.

Талапкер тууралуу Кыргыз Республикасынын Президентинин жана Министрлер Кабинетинин Жогорку Кеңештеги туруктуу өкүлү Бектур Зулпиев маалымат берип, Алмаз Калыбаевдин сот системасында көп жылдык тажрыйбасы бар экенин, акыркы жылдары Жайыл райондук сотунун судьясы болуп үзүрлүү эмгектенип келгенин белгиледи.

Талкуунун жыйынтыгында Кыргыз Республикасынын Жогорку Кеңешинин депутаттары Алмаз Калыбаевдин талапкерлигин колдоп, аны Кыргыз Республикасынын Жогорку сотунун судьясы кызматына шайлашты.