2026-жылдын 22-апрелинде Кыргыз Республикасынын Жогорку Кеңеши Эльмира Барыктабасованын талапкерлигин Кыргыз Республикасынын Жогорку сотунун судьясы кызматына шайлашты.

Добуш берүүнүн жыйынтыгында Жогорку Кеңештин депутаттары Эльмира Барыктабасованын талапкерлигин бир добуштан колдошту.

Эльмира Барыктабасова Кыргыз Республикасынын Жогорку сотунун судьясы  кызматына  ант берди.

Эльмира Барыктабасова 1970-жылы Ысык-Көл облусунун Жети-Өгүз районунун Тамга айылында туулган. Сот тутумунда олуттуу иш тажрыйбасына ээ. Буга чейин Бишкек шаардык сотунун судьясы, ошондой эле Бишкек шаарынын Ленин райондук сотунун судьясы болуп иштеген.

Ар кайсы жылдары судьялардын өз алдынча башкаруу органдарында жооптуу кызматтарды аркалаган, анын ичинде:

• 2017–2018-жылдары — Судьяларды тандоо кеңешинин төрагасынын орун басары жана төрагасы;

• 2023–2024-жылдары — Сот адилеттиги иштери  боюнча кеңештин төрагасынын орун басары;

• 2024–2025-жылдары — Сот адилеттиги  иштери боюнча кеңештин төрагасы.