Бүгүн 19-майда, КР Жогорку сотунун жана КР Конституциялык сотунун аппарат кызматкерлеринин квалификациясын жогорулатуу үчүн  комплекстүү окутуу программасы башталды. Окутуу 19-майдан 23-майга чейин улантылат.

Окуунун алгачкы эки күнүндө сот түзүлүшү, Кыргыз Республикасынын сот системасы, мамлекеттик кызматкерлердин этикасы жана имиджи, кызыкчылыктардын кагылышуусу, сот тутумундагы коррупцияга каршы саясат, ошондой эле адам укуктарын коргоонун Эл аралык стандарттары деген темалар каралат.

Калган күндөрү аппарат кызматкерлеринин ишине түздөн түз байланыштуу сот архивинин ишин уюштуруу, архивдик иштерди жана материалдарды жок кылуунун тартиби жана мөөнөттөрү, иш кагаздарын жүргүзүүнүн эрежелери, жогорку соттордогу маалыматтык-аналитикалык иштин өзгөчөчөлүктөрү сыяктуу темалар каралат. Ошондой эле АИВ-инфекциясы бар адамдардын сот адилеттигине жетүү мүмкүнчүлүгү: Эл аралык стандарттар жана Кыргыз Республикасынын мыйзамдары, полиграфты соттордо колдонуу темалары да камтылат.

Беш күндүн ичинде угуучуларга Сот адилеттигинин жогорку мектебинин окутуучулары, ошондой эле Жогорку соттун жана Конституциялык соттун кызматкерлери лектор болушат.

Окуунун аягында угуучулар тестирлөөдөн өтүп, андан кийин аларга сертификаттар тапшырылат.