2025-жылдын 23-июнунда Евразия экономикалык биримдиги Сотунда  Кыргыз Республикасынын атынан дайындалган жаңы судья Кыдык Карыбаевич Жунушпаев ант берип, расмий түрдө өз кызматын аркалай баштады. Бул иш-чара Жогорку Евразия экономикалык кеңешинин 2025-жылдын 16-июнундагы чечимине ылайык, салтанаттуу түрдө өттү.

Ошондой эле, буга чейин Кыргыз Республикасынын Жогорку сотунун Аппаратынын жетекчисинин орун басары болуп иштеген Эркин Бакбурович Искаков судьянын кеңешчиси кызматына расмий түрдө киришип, салтанаттуу түрдө билдирүү жасады.

Ант берүү аземине төмөнкү ардактуу коноктор катышты: Беларусь Республикасынын Жогорку сотунун төрагасынын орун басары Ю.В.Кобец, Кыргыз Республикасынын Беларус Республикасындагы Атайын жана Ыйгарым укуктуу Элчиси, КМШ Уставдык органдарындагы Туруктуу өкүлү Э.А.Султанбаев, Беларусь Юстиция министрлигинин Эл аралык кызматташтык башкармалыгынын башчысы Д.В.Тускаль, КМШнын Экономикалык Сотунун төрагасы Г.К.Нурбаев, Казакстан Республикасынын Беларусь Республикасындагы Элчилигинин биринчи катчысы С.К.Шаканов  жана Россия Федерациясынын Беларус Республикасындагы Элчилигинин биринчи катчысы А.В.Степаненко.

Кыдык Жунушпаев бул кызматта мөөнөтү аяктаган судья А.М.Айжибраимованын ордуна дайындалды. Ал 2018-жылдын май айынан 2025-жылдын июнуна чейин Кыргыз Республикасынын Жогорку сотунун судьясы болуп иштеген.