Лейлек райондук сотунун демилгеси менен Лейлек районундагы иш мекемелер арасында кичи футбол боюнча кезектеги мелдеш болуп өттү.

Спорттук иш-чара Раззаков шаарында өткөрүлдү.  Чемпионат «Кыргыз Республикасынын Президентинин 2024-2034-жылдарга Кыргыз Республикасында футболду андан ары өнүктүрүү боюнча чаралар жөнүндө» Жарлыгынын алкагында уюштурулду. Бул турнирдин негизги максаты – массалык спортту жайылтуу, мамлекеттик кызматкерлерди сергек жашоого үндөө, ошондой эле мекемелер арасындагы достук жана кызматташтык мамилелерди бекемдөө болуп саналат.

Кызуу беттештердин жүрүшүндө командалар жогорку даярдыгын көрсөтө алышты. Мелдештин жыйынтыгы боюнча жеңүүчүлөр жана байгелүү орун ээлери I, II жана III даражадагы дипломдор менен салтанаттуу түрдө сыйланышты.

Командалык жетишкендиктерден тышкары, талаадагы өзгөчө жеке чеберчилиги үчүн катышуучулар төмөнкү номинациялар боюнча атайын сыйлыктарга ээ болушту:«Мыкты оюнчу».  «Мыкты коргоочу».  «Мыкты дарбазачы».

Салтанаттуу сыйлоо аземин Лейлек райондук сотунун төрагасы Аскат Советбек уулу өткөрүп, өзгөчөлөнгөн командаларга жана спортчуларга дипломдорду тапшырды.  Мындай спорттук мелдештерди өткөрүү жамааттардын биримдигин бекемдөөгө жана аймакта футбол маданиятын өнүктүрүүгө өбөлгө түзгөн жакшы салтка айланууда.