Бүгүн,  2024-жылдын 23-октябрында, Кыргыз Республикасынын Министрлер Кабинетинин Төрагасы — Президенттин Администрациясынын Жетекчиси Акылбек Жапаров Кыргыз Республикасынын Жогорку сотунун төрагасы болуп дайындалган Медербек Сатыевди Жогорку соттун судьяларына жана аппарат кызматкерлерине тааныштырды.

Жыйынга Кыргыз Республикасынын Президентинин Администрациясынын соттор жана прокуратура органдары менен өз ара аракеттенүү бөлүмүнүн башчысы Нурлан Сулайманкулов дагы катышты.

Акылбек Жапаров Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 70-беренесинин 4-бөлүгүнүн 5-пунктуна, «Кыргыз Республикасынын судьяларынын статусу жөнүндө» Кыргыз Республикасынын конституциялык Мыйзамынын 20-беренесинин 1-бөлүгүнө ылайык Сатыев Медербек Асанбекович 5 жылдык мөөнөткө Кыргыз Республикасынын Жогорку сотунун төрагасы болуп дайындалгандыгын билдирди.

Өз кезегинде Медербек Сатыев элдин сотторго болгон ишенимин кайтарууга, сот адилеттигин орнотууга бардык күч аракетин жумшай тургандыгын айтты.