2026-жылдын 20-январында Кыргыз Республикасынын Жогорку сотунун төрагасы Медербек Сатыевдин буйругу менен Манас шаардык сотунун төрагалыгына беш жылдык мөөнөткө Байышов Мирлан Байышович дайындалды.
Мирлан Байышов Кыргыз Республикасынын Конституциясынын 95-беренесине, «Кыргыз Республикасынын судьяларынын статусу жөнүндө» Кыргыз Республикасынын конституциялык Мыйзамынын 27-беренесине жана «Кыргыз Республикасынын Жогорку соту жана жергиликтүү соттор жөнүндө»Кыргыз Республикасынын конституциялык Мыйзамынын 25-беренесине ылайык дайындалды.
2026-жылдын 20-январында Манас шаарынын Сот адилеттик үйүнүн жыйындар залында Жалал-Абад облустук сотунун төрайымы Жыпара Сабырова соттун жамаатына Мирлан Байышовду тааныштырып, аны кызматка дайындалышы менен куттуктап, ишине ийгиликтерди каалады.
