2025-жылдын 23-июнунда Кыргыз Республикасынын мамлекеттик жана муниципалдык кызматкерлеринин  күнүнө карата мамлекеттик жана муниципалдык мекемелер, ишканалар жана жергиликтүү өз алдынча башкаруу органдарынын арасында райондук акимдин кубогу үчүн кичи футбол боюнча турнир өткөрүлдү.

Турнирди Ноокен райондук мамлекеттик администрациясы жана райондук жаштар иштери боюнча комитети уюштурушту. Жеңүүчү болгон командаларга дипломдор жана баалуу белектери тапшырылды.

Биринчи орунду жана турнирдин башкы байгесин Ноокен райондук сотунун командасы жеңип алды. Экинчи орун райондук мамлекеттик администрациянын командасына ыйгарылды. Үчүнчү орунду райондук ички иштер бөлүмүнүн (РОВД) командасы ээледи.

Мындан тышкары, турнирдин эң мыкты оюнчусу деп Ноокен райондук сотунун кызматкери Иззат Колдошев табылып, ардак грамота менен сыйланды.