Бүгүн, 2025-жылдын 30-сентябрында, Кыргыз Республикасынын Жогорку Сотунун Төрагасынын орун басары Шералы Камчыбеков менен Кыргыз Республикасынын Жогорку Сотунун Аппаратынын жетекчиси Сулайман Мыкыев Кыргыз Республикасынын Жогорку Сотуна караштуу Сот департаментинин жамаатына жаңы директору — Курманалиев Бакыт Сабырбековичти тааныштырды.

Сот департаментинин директорун дайындоо «Кыргыз Республикасынын Жогорку соту жана жергиликтүү соттор жөнүндө» Кыргыз Республикасынын конституциялык Мыйзамына ылайык, Судьялар кеңешинин макулдугу менен ишке ашырылды.

Бакыт Курманалиевдин мамлекеттик кызмат тутумунда тажрыйбасы мол. Ар кайсы жылдары ал мамлекеттик органдарда жооптуу кызматтарды ээлеп, учурдагы дайындоого чейин Кыргыз Республикасынын Президентине караштуу Иш башкармасында эмгектенип келген.