Жалал-Абад шаардык сотунун төрагасы Адилет Шаршеев, судья Мирлан Байышов жана Айнура Иманалиева Сот адилеттик үйүндө, 2025-жылдын иш планына ылайык, Аксакалдар сотторуна методикалык жана консультациялык колдоо көрсөтүү максатында жолугушуу өткөрүлдү.

Жыйынга, Жалал-Абад шаарынын Аксакал сотторунун 7 аймактык башкармалыгынын төрагалары жана мүчөлөрү катышты.

Жыйында, Аксакалдар сотторунун иш алып баруусу менен таанышып, 2024-жылдын 19-февралындагы Кыргыз Республикасынын Аксакалдар соттору жөнүндөгү Мыйзамы талкууланып, аксакалдар сотунун ыйгарым укуктары жана жол-жоболору боюнча методикалык жардам көрсөтүлдү.

Жыйындын жыйынтыгында, Жалал-Абад шаардык сотунун төрагасы Адилет Шаршеев жыйындын катышуучуларына келип катышкандыктары үчүн ыраазычылык билдирип, иштерине ийгилик каалап, мындан кийин дагы Аксакалдар соттору менен тыгыз иш алып баруу максатында жолугушууларды уюштуруп турушаарын билдирди.

Жалал-Абад облустук сотунун басма сөз катчысы Мирлан Торомаматов