Жашы жете элек өспүрүмдөр арасындагы кылмыштуулуктун алдын алуу жана окуучулардын укуктук билим деңгээлин жогорулатуу максатында Талас шаардык сотунун төрагасы Алмаз Джанболотов Талас шаарындагы Камалбек Дарданов атындагы №3 орто мектептин 9 жана 11-класстарынын окуучуларына барып лекциясын өттү.
Лекцияда аталган соттун төрагасы кылмыш жоопкерчилигине тартылуучу жаш курактын өзгөчөлүктөрүнө кеңири токтолуп, өспүрүмдөр тарабынан жасалып жаткан мыйзам бузуулар жана анын кесепеттери жөнүндө, окуучулар арасында салык салуу, өзүн жанын кыюга баруу (суицид) жана башка көйгөйлүү маселелер боюнча маек курду.
Андан соң, окуучулар темага кызыгуу менен мамиле жасап, көптөгөн суроолорду беришип жана сот тутумунун өкүлү тарабынан кеңири жоопторду алышты.
Жолугушуунун соңунда соттун төрагасы Алмаз Джанболотов менен мектептин директору Замира Сазаева мектеп окуучуларына билим алууда, укуктук билимин жогорулатууда ийгиликтерди каалап жана мындай жолугушууларды уюштуруп туруу жөнүндө макулдашышты.
Мындай жолугушуулар судьялар менен окуучулардын ортосунда укуктук сабаттуулукту жана жоопкерчиликти жогорулатууга өбөлгө түзөт.
