Бишкек шаардык мэриясы тарабынан 2026-жылдын 14-мартынан 16-майына чейин Бишкек шаарынын аймагын көрктөндүрүү, санитардык тазалоо жана жашылдандыруу боюнча эки айлык ишембилик жарыяланган.

Ушуга байланыштуу 2026-жылдын 14-мартында Кыргыз Республикасынын Жогорку сотунун судьялары жана Аппарат кызматкерлери жалпы республикалык ишембиликке катышты.

Ишембиликтин алкагында  Советтер Союзунун Баатыры Исмаилбек Таранчиев атындагы парктын аймагын тазалоо, көрктөндүрүү жана иретке келтирүү иштерин жүргүзүштү.

Жогорку соттун судьялары жана Аппарат кызматкерлери борбор калаанын тазалыгын сактоого, экологиялык абалды жакшыртууга жана  айлана-чөйрөнү көрктөндүрүүгө багытталган демилгени колдоп, өз салымдарын кошушту.

Аталган паркты ошондой эле Бишкек шаардык соту менен  Биринчи май райондук сотунун судьялары жана Аппарат кызматкерлери тазалашты.