Бүгүн, 2025-жылдын 15-мартында, Кыргыз Республикасынын Жогорку сотунун төрагасы Медербек Сатыев баштаган судьялар жана аппарат кызматкерлери ишембилик өткөрүштү.
Жогорку соттун жалпы жамааты ишембиликтин алкагында Бишкек шаарындагы Ч.Айтматов атындагы сейил багын жана соттун жанаша жайгашкан аймактарын тазалап чыгышты.
Мындан тышкары ишембиликке жергиликтүү соттор дагы активдүү катышып, соттордун карамагындагы административдик имараттардын жанаша жайгашкан аймактарын санитардык тазалоо боюнча иштер жүргүзүлдү.
Белгилей кетсек, ушул жылдын 15-мартынан 17-майга чейин борбор калааны көрктөндүрүү, санитардык тазалоо жана жашылдандыруу боюнча ишембилик өтөт.
