Казакстан Республикасынын Астана шаарында өткөн Борбор Азия өлкөлөрүнүн судьялары үчүн интеллектуалдык менчик укуктарынын актуалдуу маселелерине арналган субрегионалдык семинар өз ишин жыйынтыктады.

Иш-чарага Чүй облусунун Аламүдүн райондук сотунун судьясы Асель Смаилова катышып, интеллектуалдык менчик укуктарын коргоого байланыштуу иштер боюнча соттук практика тууралуу баяндама жасады.

Семинардын катышуучулары тематикалык сессияларга активдүү катышып, алардын алкагында интеллектуалдык менчик жаатындагы иштерди кароо, автордук укук боюнча талаш-тартыштар, онлайн-платформалардын ишмердүүлүгү жана ортомчулардын жоопкерчилиги, ошондой эле товардык белгилерге жана автордук укук объектилерине болгон укуктарды жарандык-укуктук коргоо чаралары талкууланды.

Иш-чаранын уюштуруучулары  Бүткүл дүйнөлүк интеллектуалдык менчик уюму жана Казакстан Республикасынын Юстиция министрлигине караштуу Интеллектуалдык менчик укуктары боюнча комитети болушту.

Аталган аянтча Кыргызстан, Казакстан, Тажикстан, Корея жана Германия мамлекеттеринин судьяларын бириктирди.