Бүгүн, 5-июнда, Кыргыз Республикасынын Жогорку сотунун судьясы, КМШнын Экономикалык Сотунун Кыргыз Республикасынан дайындалган судьясы Турсунгул Чаргынова Улуттук телерадиоберүү корпорациясынын «Биринчи радиосунун» түз эфириндеги «Актуалдуу маек» программасынын коногу болду.
Радиоэфирдин жүрүшүндө Турсунгул Чаргынова КМШнын Экономикалык Сотунун ишмердүүлүгүн өзгөчөлүктөрү, анын эл аралык сот адилеттиги тутумундагы орду жана кабыл алган чечимдеринин маанилүүлүгү тууралуу кеңири айтып берди.
Маекте өзгөчө көңүл соттун курамын калыптандыруу маселелерине, трансчегаралык экономикалык талаш-тартыштарды чечүү механизмдерине, ошондой эле Шериктештик аймагында мамлекеттин жана ата мекендик бизнестин кызыкчылыктарын коргоого бурулду.
