Айтматов райондук сотунун төрагасы Гүлмира Бапанова  аппарат кызматкерлери менен биргеликте коррупцияга каршы аракеттенүүнү күчөтүү жөнүндө, соттун ачык-айкындуулугун жогорулатуу жана жарандардын сотко болгон ишенимин бекемдөө  максатында жалпы жыйын өткөрдү.

Иш-чаранын жүрүшүндө коррупциянын алдын алуу, мыйзамдуулукту бекемдөө жана кызматтык этиканы сактоо маселелери талкууланды.

Ошондой эле, коррупциялык көрүнүштөрдү болтурбоо боюнча чаралар, кызматкерлердин жоопкерчилигин жогорулатуу жана жарандардын сот тутумуна болгон ишенимин арттыруу жолдору каралды.

Андан соң Сот тутуму үчүн “Улуттук дем-дүйнөлүк бийиктик” уңгужолун ишке ашыруу боюнча 2026-жылга карата бекитилген иш-планынын алкагында, жергиликтүү жаштар, мугалимдер, жарандык коом өкүлдөрү менен укуктук сабаттуулук тууралуу Айтматов районуна караштуу “Токтогул Бабанов” атындагы жатак-мектебинин тарых мугалими Мухтар кызы Баккыз келип, Уңгужолу бул элдин түпкү башаты, анын келип чыгышы жана тарыхый жолу, ошондой эле дүйнөлүк бийиктикке карай жол-бул багыт, кыргыз элинин өзгөчөлүгүн жоготпостон, дүйнөлүк денгээлдеги ийгиликтерге жетишүү үчүн ар бир жаран өзүнүн уңгужолун билүү керектиги тууралуу лекция өттү.

Иш-чаранын соңунда лектор менен сот кызматкерлеринин ортосунда суроо-жооптор менен коштолуп, кыргыз тили тууралуу кеңири маалыматтар алынып, баяндамачыга ыразычылыктар билдирилип, ишине ийгиликтерди каалашты.

Тарыхтын татаал этаптарында улуттук баалуулуктарын, тилин, маданиятын жана укуктук аң-сезимин жоготпой сакталып калган кыргыз элинин  турмушунда адилеттүүлүк ар дайым жогорку баалуулук катары каралып келген. Улуу «Манас» эпосунда жана элибиздин тарыхый мурастарында чагылдырылган акылмандык, ынтымак, жоопкерчилик, калыстык жана элдик башкаруунун принциптери – заманбап сот системасы үчүн рухий жана идеалык пайдубал болуп саналат.