Ак-Талаа райондук сотунун төрагасы Эрмек Раимкулов райондогу Ш.Бейшеналиев жана Э. Карасартов атындагы орто мектептеринин окуучулары менен жолукту.

Жыйындын жүрүшүндө төрага өспүрүмдөр арасында кылмыштуулукту алдын алуу, сот тутумунун ишмердүүлүгү, учурда ишке ашырылып жаткан реформалар тууралуу баяндама жасады.

Иш-чара суроо-жооп форматында улантылып, окуучулар жашы жете элек балдар тарабынан жасалган кылмыштарга карата жоопкерчилик, иштерди кароо мөөнөттөрү, судьялык кызматка дайындалуу тартибине байланыштуу суроолорго жооп алышты.

Ошондой эле, катышуучуларга сот отурумдарын өткөрүү тартиби тууралуу дагы маалымат берилди.