Баткен облустук сотунун төрагасынын орун басары Жаналы Батырбековтун жетекчилиги алдында коррупциялык көрүнүштөргө бөгөт коюу жана сот кызматкерлеринин кесиптик этикасын бекемдөө багытында жумушчу жыйын өткөрүлдү.

Иш-чаранын жүрүшүндө коррупциялык иштерди болтурбоо, мыйзам бузуулардын алдын алуу, сот кызматкерлеринин жүрүм-туруму, этикалык жана кесиптик нормаларды так сактоосу, кызматтык милдеттерди ак ниеттүүлүк менен аткаруусу негизги тема катары талкууланып, коррупцияга жол бербөө жана анын кесепеттери жөнүндө катышуучуларга эскертилди.

Иш-чаранын соңунда төраганын орун басары адилеттүүлүк жана мыйзамдуулукту сактоо,  сот системасынын коомдогу аброюн камсыздоонун негизи экенин баса белгиледи.