2025-жылдын 15-майында Бишкек шаарында «Кыргыз Республикасында конституционализм: учурдагы абалы жана өнүгүү перспективалары» аттуу юридикалык форум болуп өттү.

Иш чарага Кыргыз Республикасынын Жогорку сотунун төрагасынын кеңешчиси Руслан Мырзалимов катышты.

Ошондой эле иш чарага Кыргыз Республикасынын Конституциялык сотунун төрагасы Эмиль Осконбаев, Кыргыз Республикасынын Президентине караштуу Ж.Абдрахманов атындагы Мамлекеттик башкаруу академиясынын ректору  Алмазбек Акматалиев, Жогорку Кеңештин депутаты, Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетинин төрагасынын орун басары Карим Ханджеза, Акыйкатчы Жамиля Жаманбаева жана башка расмий өкүлдөр  катышты.

Форумдун максаты — конституционализмди өнүктүрүү, укуктук билим берүү жана агартуу маселелерин талкуулай турган аянтча түзүү.

Үч тематикалык сессиянын алкагында конституциянын үстөмдүгүн камсыз кылуу, ага негизделген укуктук жана билим берүү маселелери кеңири талкууланды.

Уюштуруучулар форумдун жыйынтыгында мындай форматтагы жолугушууларды мындан ары да улантуу зарылдыгын белгилешти.