Манас шаарындагы Сот адилеттик үйүндө Жалал-Абад облустук жана Манас шаардык сотторунун демилгеси менен жарандардын жер тилкелерине болгон укуктарын тариздөөдө жаралып жаткан көйгөйлөрдү талкуулоого арналган тегерек стол экинчи ирет уюштурулду.
Иш-чарага облустук, шаардык жана райондук соттордун судьялары, Манас шаардык мэриясынын, Сузак райондук мамлекеттик администрациясынын, прокуратура органдарынын, ошондой эле Жер ресурстары, кадастр жана архив кызматтарынын өкүлдөрү катышты.
Жыйындын жүрүшүндө буга чейинки тегерек столдо көтөрүлгөн маселелердин негизинде аткарылган иш-чаралар талданып, жер маселелеринин жаралышына себеп болгон жагдайларды четтетүү боюнча көрүлгөн чаралар боюнча тиешелүү органдардын маалыматтары угулду. Манас шаардык мэриясынын өкүлдөрү мурда аныкталган көйгөйлөрдү жоюу максатында иштер жүргүзүлүп жатканын, атайын комиссия түзүлүп, маселелерди кароо процесси башталганын билдиришти.
