Кыргыз Республикасынын Президенти Садыр Жапаровдун тапшырмасына ылайык, үстүбүздөгү жылдын 11-майынан тартып өлкө аймагында жергиликтүү өз алдынча башкаруу органдарынын жетекчилеринин жарандар менен ачык жолугушуулары башталды.

Бул жолугушууларга Президенттин облустардагы ыйгарым укуктуу өкүлдөрү, райондук мамлекеттик администрация башчылары (акимдер), шаар мэрлери жана айыл өкмөт башчылары катышууда.

Жогорку соттун жетекчилигинин тапшырмасы менен эл менен болгон жолугушууларга облустук соттордун жана Бишкек шаардык сотунун төрагалары дагы катышууда. Белгилей кетүүчү жагдай, облустук жана шаардык соттордун төрагалары калк менен түзүлгөн жолугушууларга жигердүү катышып жатышат.

Мындай жолугушуулар өлкөнүн бардык облустарында бекитилген графикке ылайык өткөрүлүүдө.

Калкты кеңири камтуу жана ачык-айкындуулукту камсыз кылуу максатында, жолугушуулар УТРК жана ЭлТР улуттук телеканалдары аркылуу түз эфирде көрсөтүлөт.