Кыргыз Республикасынын сот системасын санариптештирүү багытында жүрүп жаткан иштер, жаңы технологиялык мүмкүнчүлүктөр жана сот адилеттигинин ачыктыгын камсыз кылуу маселелери боюнча Sputnik эл аралык маалымат агенттигинин “Ачык кеп”  программасында талкуу болду.

Программага Жалал-Абад облустук сотунун судьясы Азамат Узакбаев, Нарын облустук сотунун төрагасынын орун басары Бекмухаммет Мусурманкулов жана Сокулук райондук сотунун судьясы Нурайым Кенжетаева катышышты.

Талкуу учурунда сот системасын санариптештирүү процесси негизинен үч багытта жүрүп жатканы белгиленди. Алар:

• сот өндүрүшүнө катышуучулар үчүн СМС билдирүүлөрдү ишке киргизүү;


• мамлекеттик алымды онлайн төлөө мүмкүнчүлүгүн камсыз кылуу — бул жараянды тез, ыңгайлуу жана ачык-айкын кылуу максатында ишке ашырылган;


• соттордун ишмердигин тышкы баалоо — ачыктык жана коомдук ишенимди арттыруунун маанилүү инструменти катары каралууда.

Катышуучулар сот системасындагы санариптик реформалар жарандардын сот адилеттигине жеткиликтүүлүгүн жеңилдетип, ишеним деңгээлин жогорулатууга өбөлгө түзөрүн белгилешти. Ошондой эле соттордун ишинин сапатын баалоонун жаңы ыкмалары жана маалыматтык системалар аркылуу жарандар менен түз байланыш механизмдери тууралуу да кеңири пикир алмашуу болду.

Шилтеме:

https://sputnik.kg/20251003/1096927317.html