Иш чаранын алкагында аталган сотто Ж.Коңурбаева атындагы борборлоштурулган Нарын шаардык китепканасынын жамааты көчмө китеп көргөзмөсү менен болду.

Нарын облустук сотунун төрагасынын орун басары Гулбара Кудабаева иш чаранын ачылышында «Улуттук дем-дүйнөлүк бийиктик» уңгужолунун максаты, мааниси тууралуу баяндап өттү.

Ошондой эле Борборлоштурулган Нарын шаардык китепканасынын директору Нурзат Эсенканова китеп окуу маданиятынын калыптанышы китеп окуудан баштала тургандыгына токтолуп, катышуучуларды китеп окууга чакырды.

Ал эми китепкананын кызматкерлери «Улуттук дем-дүйнөлүк бийиктик» уңгужолуна арналган «Инсанды элдик нукура маданиятка тарбиялайлы» аталышындагы китеп көргөзмөсү жана кыргыз элине белгилүү акын-жазуучулар Бексултан Жакиевдин, Турар Кожомбердиевдин, Төлөгөн Касымбековдун, Салижан Жигитовдун китеп көргөзмөлөрү менен тааныштырышты.

Соңунда китеп кызматкерлери китеп алып окуу үчүн сот кызматкерлерине формуляр толтурууга жана кызыкчылыктарына жараша китеп тандоого жардам беришти.