Кыргыз Республикасынын Жогорку сотуна караштуу Сот адилеттигинин жогорку мектеби Жалал-Абад облусунун Адилет үйүндө 100 дөн ашык КР жергиликтүү сотторунун судьялары үчүн тренинг өткөрдү.
«Судьянын коммуникативдик компетенттүүлүгү: сөз, үн жана диалог маданияты» деген темада өткөн тренинг эл алдында чыгып сүйлөөнүн кесиптик көндүмдөрүн өнүктүрүүгө, сот отурумдарын онлайн-трансляциялоо шарттарында ишенимди жана коммуникациянын сапатын жогорулатууга багытталган
Лектор жазуучу, редактор, журналист Актилек Гүлжигит кызы болду.
Буга чейин ушундай эле тренинг «Ала-Тоо» Эл аралык университетинде университинде уюштурулуп, ага Бишкек шаарынын, Чүй, Нарын, Ысык-Көл жана Талас облустарынын жергиликтүү сотторунун 100дөн ашык судьялары катышкан.
Учурда Кыргыз Республикасынын айрым мыйзам актыларына кирген өзгөртүүлөргө байланыштуу сот отурумдары видеоконференцбайланыш жана онлайн-трансляциялоо ыкмасы аркылуу өткөрүлө баштады.
