KG
Көрүүсү начар адамдар үчүн
Ишеним телефону 0 (312) 62-19-25 Бишкек шаары, Абдумомунов көчөсү 205
Кайрылуу жиберүү

Айнаш Токбаева ЕККУнун жана КМШнын байкоочулары менен жолугушту

25 декабря 2020

Бүгүн, 2020-жылдын 25-декабрында, Кыргыз  Республикасынын Жогорку сотунун төрайымынын орун басары  Айнаш Токбаева Кыргыз Республикасынын Президентин кезексиз шайлоо жана Кыргыз Республикасынын мамлекеттик башкаруу формасын аныктоо боюнча референдумда КМШ Байкоочулар Миссиясынын Штабынын жетекчиси Олег Кулебди кабыл алды.


Андан соң Айнаш Токбаева кезексиз президенттик шайлоого байкоо жүргүзүү үчүн Европадагы Коопсуздук жана Кызматташтык Уюмунун Демократиялык институттар жана адам укуктары боюнча бюросунун Миссиясынын өкүлдөрү: Миссиянын башчысы Тамаш Месерич жана укук маселелери боюнча  талдоочу Светлана Четайкина менен жолугушту.


Сүйлөшүүлөрдүн жүрүшүндө, алдыдагы президенттик шайлоого байланыштуу сотторго келип түшкөн арыздар жана аларды кароонун натыйжалары жөнүндө маалыматтар берилди.