Өлкөбүздө   азыркы    учурда     болуп    жаткан      кырдаалга      байланыштуу 2020-жылдын 31-мартында  Ысык-Көл областтык сотунун судьясы  Самар Ниязалиев, Каракол шаардык сотунун төрагасы Ильяс Иманбеков жана Каракол шаардык сотунун судьясы Айбек Токтобаев Ысык-Көл областтык медиа борборунда түз эфирде жарандарга маалымат беришти. Телекөрүүчүлөргө өзгөчө кырдаалга байланыштуу ачык сот отурумдарын өткөрүү тартиби, коопсуздук эрежелери жана кимдер катыша алары жөнүндө түшүндүрмөлөр берилип, үйдөн чыкпастан телефон аркылуу кызыккан маалыматты алып,  өтүнүчтөрүн жана башка кайрылууларын электрондук почта аркылуу жөнөтүү сунушталды. Өзгөчө кырдаал жана өзгөчө абал учурларынын талаптарын аткарбаган адамдар үчүн кандай чаралар көрүлөрү айтылып, жарандардын бир катар суроолоруна жооп беришти. Мындан тышкары, 2019-жылдын 1-январынан тартып күчүнө кирген кодекстердин сот өндүрүшүндө колдонулушу, алардын мурдагы мыйзамдардан өзгөчөлүктөрү жана артыкчылыктары, кандай жаңы институттар иш алып барып жатканы жөнүндө кеңири маалымат берилди. Эфирдин соңунда судьялар телекөрүүчүлөрдү өлкөбүздө коронавирус инфекциясынын жайылып кетпешине өз салымдарын кошуп, эрежелер менен тартипти сактоого чакырып, эли-журтубузга бекем ден-соолук, аманчылык жана тынчылык каалашты. Ысык-Көл областтык сотунун басма сөз катчысы                                                                                                Гульзада Аширбаева

Коронавирус илдетине байланыштуу  өлкөбүздөгү   өзгөчө абалдын киргизилгендигине  байланыштуу соттук  отурумдарды өткөрүүнүн   тартиби, тараптардын сот отурумдарына  катышуусу, жана башка  учурдагы келип чыккан маселелердин тегерегинде  Нарын облустук теле көрсөтүүсүнун түз эфиринде  жарандарыбызга  маалымат берилди. Аталган  көрсөтүугө  Нарын облустук сотунун  жазык иштери боюнча  төраганын орун басары Азамат Койлонбаев менен жарандык иштер боюнча  төраганын орун басары  Гүлсүн Арзыкулова катышып,суроолорго жооп беришти.                Нарын облустук сотунун                 Басма сөз кызматы

13-мартта Президент Сооронбай Жээнбеков өлкөнүн Жогорку сотуна барды. Анда Мамлекет башчы сот системасын санариптештирүүнүн жүрүшү жана Маалыматтарды иштеп чыгуу борборунун (МИБ) ишмердүүлүгү менен таанышып, Жогорку соттун судьялары менен жолугушту. Жолугушууга онлайн видеоконференц байланыш аркылуу жергиликтүү соттордун судьялары да катышты. Президент сот системасын санариптештирүүгө өзгөчө көңүл бурулуп жаткандыгын, анткени бул коррупция менен күрөшүүдө жана адам факторун азайтууда негизги курал болуп саналарын белгиледи. «Биз жарандардын, мамлекеттин тагдырларына түздөнтүз таасир этүүчү бийликтин бир бутагы болгон сот системасына материалдык жана моралдык колдоо көрсөтүүнү улантабыз. Сот системасына талаптар жогору болот. Силер санарип трансформациянын авангардында болуп, мамлекеттик бийликтин башка органдарына үлгү болушуңар керек», — деди ал. С.Жээнбеков судьялардын этикалык жүрүмтурумуна жана ак ниеттүүлүгүнө басым жасады. «Соттордо акыйкаттык орнотулмайын, экономикалык, социалдык чөйрөдө, мамлекеттик башкаруу тутумунда реформаларды ишке ашырууга мүмкүн эмес», — деп билдирди Президент. Жогорку Соттун төрайымы Гүлбара Калиева сот тутумун санарип тештирүү процесси жөнүндө маалымат берди. Өлкөнүн жергиликтүү сотторунда бардык инстанциядагы соттордун ишинде жумуш процесстерин автоматташтырууга багытталган соттун автоматташтырылган маалыматтык тутум (АМТ) орнотулуп, иштеп жатат. Бүгүнкү күндө биринчи инстанциядагы 64 сот жана экинчи инстанциядагы 2 сынамык сот туташтырылган. 2020 жылга карата экинчи жана үчүнчү инстанциядагы сотторго АМТ киргизүү мерчемделген. Жогорку сотто судьялар ортосундагы иштерди бөлүштүрүүнү автоматташтыруу модулу иштеп жатат. Бул тутум көптөгөн факторлорду: иштин татаалдыгынын коэффициентин, судьялардын пландуу жүктөмүн жана башкаларды эске алуу менен судьяларга жүктөмдү тегиз бөлүштүрүүнү шарттайт. Мындан сырткары, Г.Калиева сот чечимдерин чыгарууда коррупциялык тобокелчиликтерди жоюу жана ачыкайкындуулукту камсыздоо үчүн сот жыйындар залында орнотулган аудиовидео фиксация системасынын иши жөнүндө айтып берди. МИБдин негизги максаты сот бийлигинин маалыматтык тутумун башка мамлекеттик органдардын маалыматтык тутумдары менен коопсуз байланыштырууну уюштуруу, аларды «Түндүк» ведомстволор аралык өз ара аракеттенүү системасы аркылуу КЖБР, Бузуулардын бирдиктүү реестри, Мамлекеттик каттоо кызматынын базасы, Жазаларды аткаруу мамлекеттик кызматы, Мамлекеттик  салык кызматы жана башка мамлекеттик органдар менен интеграциялоо болуп саналаары белгиленди. http://kyrgyztuusu.kg/?p=29031  

Баракелде —  Жогорку соттун судьялары жаздын алгачкы айынын 8-күнү — Айымдардын эл аралык майрамына карата аялзатына арнап ыр окушту. Куттуктоолор жолдонгон видеону аталган соттун басма сөз кызматы жарыялаган.