Бул күндөрү Кыргыз Республикасынын Жогорку сотунун төрагасынын орун басары Нурлан Мусаев, Кыргыз Республикасынын Жогорку сотунун судьялары Инара Гилязетдинова жана Аскат Сыдыков, ошондой эле Талас облустук сотунун төрагасы Алмазбека Абдылдаев Тараз шаарында (Казакстан) «Open day» форматында бир катар тажрыйба алмашуу жолугушууларын өткөрөт жана Жамбыл облусунун сотторунун мисалында жүргүзүлүп жаткан соттук реформанын жыйынтыктары менен таанышышты.

Жемиштүү кызматташууну улантуу жана мурда жетишилген макулдашууларды ишке ашыруу максатында Казакстан Республикасынын Жогорку соту тарабынан делегация үстүбүздөгү жылдын 27-29-октябрына чейин Тараз шаарына иш сапары менен келип кетүүгө чакырылган.

Иш сапардын алкагында делегация бүгүн Павлодар облустук соту өткөргөн «Жаңы Казакстандын шартында сот системасы жана сот адилеттиги: абалы жана келечеги» II Эл аралык форумуна онлайн режиминде катышты.

Тараптар тажрыйба алмашуу боюнча кызматташуу жана өз ара аракеттенүү, ошондой эле сот адилеттигин ишке ашыруунун сапатын жана элдин сотторго болгон ишенимин жогорулатууга көмөктөшүүчү маалыматтык технологияларды колдонуу боюнча макулдашууну талкуулап, кабыл алышты.