Бүгүн, 2021-жылдын 15-январында, Кыргыз Республикасынын Жогорку сотунун төрайымынын милдетин аткаруучу Нургуль Бакирова жана Жогорку соттун судьясы Кенешбек Токтомамбетов Европалык Биримдиктин «LEICA – Борбор Азиядагы укук коргоо органдары» долбоорунун өкүлдөрү менен жолугушту.
Белгилей кетүүчү жагдай, Европа Биримдиги тарабынан каржыланган LEICA долбоорунун максаты Борбор Азиядагы укук коргоо органдарынын потенциалын чыңдоо, региондогу муктаждыктарды терең талдоонун негизинде техникалык жардам көрсөтүү, ошондой эле тематикалык тренингдерди өткөрүү болуп саналат. Негизги милдеттеринин бири — терроризмге каршы күрөшүү үчүн сот тутуму менен укук коргоо органдарынын ортосунда маалымат алмашууну жакшыртуу.