2022-жылдын 18-октябрында АКШнын Детройт шаарында Аял судьялардын Эл аралык ассоциациясынын 44-жылдык конференциясы ишин баштады.
Конференцияга 37 өлкөдөн аял судьялар катышууда.
Быйылкы жылы бул конференцияга Кыргыз Республикасынан «Кыргыз аял судьяларынын ассоциациясы» коомдук бирикмесинин мүчөлөрү, Кыргыз Республикасынын Жогорку сотунун төрагасынын орун басары Нургуль Бакирова жана Бишкек шаарынын Биринчи Май райондук сотунун судьясы Гульзат Дыйканбаева катышууда.
Бул конференциянын максаты – аял-судьялардын соттук ролун илгерилетүү, күчтүү, чечкиндүү жана ар тараптуу сот жетекчилигин түзүү, соттордо адилеттүүлүк жана теңчилик, сот адилеттигине бирдей мүмкүнчүлүк аркылуу мыйзам үстөмдүгүнө ээ болгон инсандардын укуктарын коргоо болуп саналат.
